Institute of Hydrometeorology

განმარტებები

საქართველოს მყინვარების ელექტრონულ ატლასში მყინვარული აუზების მიხედვით წარმოდგენილია ოთხეულები:

1.გასული საუკუნის 60-იანი წლების ტოპოგრაფიული რუკები, რომლებიც ფაქტიურად წარმოადგენენ კატალოგში აღრიცხული მყინვარების ვიზუალიზაციას;
2.2010 წლის (ან უახლოეს ვადის) მყინვარების თანამგზავრულ სურათები, რომლებიც პირობითად აღნიშნულია თდზ 1-ით;
3.2015 წლის (ან უახლოეს ვადის) მყინვარების თანამგზავრულ სურათები, რომლებიც პირობითად აღნიშნულია თდზ 2-ით;
4.2020 წლის (ან უახლოეს ვადის) მყინვარების თანამგზავრულ სურათები, რომლებიც პირობითად აღნიშნულია თდზ 3-ით.

საქართველოს მყინვარების ელექტრონულ ატლასში წარმოდგენილ ტოპოგრაფიულ რუკებზე და მყინვარების

თანამგზავრულ სურათებზე გამოყენებულია შემდეგი უნიფიცირებული აღნიშვნები:

მყინვარის დაზუსტებული კონტური − ლურჯი ფერის ხაზი;
კლდოვანი უბნები (თოვლისგან და ყინულისაგან თავისუფალი) − მწვანე ფერის ხაზი;
ფირნის ხაზი − ღია იასამნისფერი ხაზი;
მთლიანი მყინვარის სიგრძის გამოსათვლელაად გავლებული დამატებითი ხაზი − ყავისფერი ხაზი;
სახელმწიფო საზღვარი რუსეთის ფედერაციასთან − ყვითელი ფერის ხაზი.

ტოპოგრაფიული რუკებზე და მყინვარების თანამგზავრულ სურათებზე კომპაქტურობისათვის, მყინვარების აღსანიშნავად სულ სამი ფერის ქინძისთავია გამოყენებული:

მწვანე ქინძისთავი აღნიშნავს 0.1 კმ² ან მეტი ფართობის მქონე მყინვარებს;

ყვითელი ქინძისთავი აღნიშნავს 0.1 კმ²-ზე ნაკლები ფართობის მქონე მყინვარებს ან თოვლნარებს.თოვლნარი ქარისა და მზის სხივებისაგან მოფარებულ ადგილებში შემორჩენილი თოვლის, ფირნისა და ყინულის გროვაა. თოვლნარი შეიძლება იყოს მყინვარის დეგრადაციით მიღებული ნარჩენი;

წითელი ქინძისთავი აღნიშნავს გამქრალ მყინვარებს.

ქინძისთავები ასევე მიუთითებს მყინვარის კატალოგის ნომერზე.