დიდი მყინვარების კვლევისათვის მნიშვნელოვანია მყინვარის ენის ბოლოს მდებარეობის ზუსტი განსაზღვრა, რადგან მყინვარის მახასიათებლების (კერძოდ, მყინვარის სიგრძის, მინიმალური სიმაღლის) დადგენა სწორედ ამ ათვლის წერტილიდან ხდება. ექსპერტული ცოდნის გამოყენება აუცილებელია, როცა მყინვარის ენა მორენებით და/ან ნაშალი მასალით არის დაფარული. კვლევისათვის შერჩეულია ისეთი მყინვარები, რომელთა ენის ბოლო ფორმირებულია, გამოკვეთილია და არ არის დაფარული არც ნაშალი მასალით და არც ღრუბლებით.
ზემოთ აღნიშნულის გათვალისწინებით განვიხილოთ აღმოსავლეთ და დასავლეთ საქართველოს დიდი მყინვარების უკანდახევის დინამიკა.
